Sözlük
Proqramlaşdırma dünyasının öz dili var. Bu səhifə kursda işlənən terminlərin lüğətidir — ingiliscə qarşılıqları ilə birlikdə, çünki internetdə axtarış edəndə ingilis termini lazım olacaq.
| Azərbaycanca | İngiliscə | İzahı |
|---|---|---|
| proqram | program | Kompüter üçün addım-addım təlimatlar toplusu |
| proqramlaşdırma | programming, coding | Proqram yazmaq işi |
| kod | code | Proqramın mətni |
| əmr | command, statement | Kompüterə verilən bir təlimat (dərsliklərdə: «operator», «komanda») |
| işə salmaq | run, execute | Proqramı başlatmaq |
| çap etmək | Ekrana yazı çıxarmaq | |
| mətn | string | Dırnaq içində yazılan simvollar ardıcıllığı (məktəb dərsliklərində: «sətir») |
| tam ədəd | integer (int) | Kəsrsiz ədəd: 5, -3, 1024 |
| həqiqi ədəd | float | Tam və kəsr hissəsi olan ədəd: 3.5, 0.1 — Python-da vergül yox, nöqtə yazılır! |
| dəyişən | variable | Məlumat saxlayan adlı «qutu» |
| mənimsətmə | assignment | Dəyişənə dəyər vermək: x = 5 |
| daxiletmə | input | İstifadəçidən alınan məlumat |
| çıxış, nəticə | output | Proqramın ekrana çıxardığı məlumat |
| xəta | error | Proqramda problem — Python onun yerini göstərir |
| sintaksis xətası | syntax error | Yazılış qaydası pozulanda çıxan xəta |
| şərh | comment | # ilə başlayan, kompüterin oxumadığı qeyd |
| f-string | f-string | İçində {dəyişən} işlədilə bilən mətn |
| çevirmə | conversion, casting | Tipi dəyişmək: int("12") |
| şərt | condition | Doğru/yanlış yoxlanılan ifadə |
| girinti | indentation | Sətrin əvvəlindəki boşluqlar — Python blokları belə tanıyır |
| müqayisə | comparison | İki dəyəri tutuşdurmaq: ==, !=, <, > |
| doğru / yanlış | True / False (boolean) | Python-un «hə» və «yox» dəyərləri |
| məntiqi operator | logical operator | Şərtləri birləşdirən and, or, not |
| dövr | loop | Təkrarlanan kod bloku |
| sayğac | counter | Dövrdə dəyəri artan/azalan dəyişən (i) |
| toplayıcı | accumulator | Dövr boyu nəticə yığan dəyişən |
| sonsuz dövr | infinite loop | Heç vaxt bitməyən dövr — while yazanda diqqət! |
| siyahı | list | Sıra ilə düzülmüş elementlər toplusu |
| indeks | index | Elementin siyahıdakı nömrəsi — 0-dan başlayır! |
| dilim | slice | Siyahının bir hissəsi: siyahi[1:3] |
| metod | method | Nöqtə ilə çağırılan əməliyyat: .append(), .sort() |
| lüğət | dictionary (dict) | Açar–dəyər cütlükləri saxlayan struktur |
| açar | key | Lüğətdə dəyərə aparan ad: oyuncu["xal"] |
| funksiya | function | Ada malik, çağırıla bilən kod bloku |
| parametr | parameter | Funksiyaya ötürülən məlumatın funksiya içindəki adı |
| qaytarmaq | return | Funksiyanın nəticəni geri verməsi (çap etmədən) |